Yevro – Turk lirasi

Turk lirasi — Turkiyaning pul birligi. 1923-yil 29-oktabrda Atatürk islohotlari doirasida joriy etilib, Usmoniy lirasining oʻrnini egallagan. Emissiya qiluvchi tashkilot — Turkiya Respublikasi Markaziy banki. Hozirda Turkiyada suzuvchi valyuta kursi tizimi amal qiladi. Valyuta kursi siyosatining samaradorligi inflyatsiya bilan belgilanadi.
Yevro — 340 million aholiga ega boʻlgan “yevrozonada” joylashgan 19 davlatning rasmiy valyutasi. 2013-yil noyabr oyida muomaladagi naqd yevro hajmi 951 milliardni tashkil qilib, bu koʻrsatkich boʻyicha AQSH dollaridan oshib ketgan edi.
Yevro 1999-yilda moliyaviy bozorlarga buxgalteriya valyutasi sifatida kiritilgan va 2002-yil 1-yanvarda banknot va tangalar muomalaga chiqarilgan. Yevro, 1979-1998-yillar oraligʻida Yevropa valyuta tizimida qoʻllanilgan Yevropa valyuta birligi (ECU) oʻrnini 1:1 nisbatda egallagan. Emissiya qiluvchi organ — Yevropa Markaziy banki
Liraning dollarga va yevroga nisbatan kursi Turkiyaning Yevropa Ittifoqi bilan hamkorlik imkoniyatlarini belgilovchi siyosiy hodisalarga yuqori darajada bogʻliq. Turkiya prezidenti Erdoğanning siyosiy ta’sir kuchining ortib borishi — mamlakatdan kapital chiqib ketishiga va milliy valyutaning zaiflashuviga olib kelmoqda. EUR/TRY juftligi dinamikasiga USD/TRY va EUR/USD kurslari ham taʼsir qiladi.